ਫੇਸਬੁਕ ਨੂੰ ਬਣਾਇਆ ਭੈਣ ਦੇ ਕਾਤਲ ਨੂੰ ਲੱਭਣ ਦਾ ਜ਼ਰੀਆ

ਲਖਨਊ- ਭਾਵੇਂ ਕਿ ਲੋਕ ਫੇਸਬੁਕ ਦੀ ਵਰਤੋ ਆਪਣੇ ਦੋਸਤਾਂ ਨਾਲ ਜੁੜਨ, ਸਮਾਂ ਲੰਘਾਉਣ ਲਈ ਅਤੇ ਚੈਟਿੰਗ ਆਦਿ ਲਈ ਕਰਦੇ ਹਨ ਪਰ ਇਕ ਵਿਅਕਤੀ ਅਜਿਹਾ ਵੀ ਹੈ ਜੋ ਫੇਸਬੁਕ ਜ਼ਰੀਏ ਆਪਣੀ ਮ੍ਰਿਤਕ ਭੈਣ ਨੂੰ ਇਨਸਾਫ ਦਿਵਾਉਣਾ ਚਾਹੁੰਦਾ ਹੈ। ਉਸ ਨੇ ਆਪਣੀ ਭੈਣ ਦੇ ਕਾਤਲ ਜੀਜੇ ਨੂੰ ਲੱਭਣ ਲਈ ਉਸ ਨੇ ਆਪਣੇ ਨੰਬਰ ਵੀ ਬੇਫਿਕਰੀ ਨਾਲ ਪਾ ਦਿੱਤੇ ਹਨ ਤਾਂ ਜੋ ਕਿਸੇ ਨੂੰ ਫਰਾਰ ਜੀਜੇ ਬਾਰੇ ਜਾਣਕਾਰੀ ਹੋਵੇ ਤਾਂ ਉਹ ਦੱਸ ਸਕਣ ਜਾਂ ਪੁਲਸ ਨੂੰ ਜਾਣਕਾਰੀ ਦੇ ਸਕਣ।
ਉਤਰ ਪ੍ਰਦੇਸ਼ ਦੇ ਫਤਿਹਪੁਰ ਦੀ ਸੋਨਮ ਦਾ ਵਿਆਹ ਪਿਛਲੇ ਸਾਲ ਦਸੰਬਰ ਨੂੰ ਹੋਇਆ ਸੀ ਪਰ 31 ਮਾਰਚ ਨੂੰ ਉਸ ਦੀ ਜ਼ਹਿਰ ਦੇ ਕੇ ਹੱਤਿਆ ਕਰ ਦਿੱਤੀ ਗਈ। ਇੰਨੇ ਘੱਟ ਸਮੇਂ ਵਿਚ ਹੀ ਸੋਨਮ ਅਤੇ ਸੌਰਭ ਦੇ ਰਿਸ਼ਤੇ ਨੇ ਦਮ ਤੋੜ ਦਿੱਤਾ। ਪੀੜਤ ਪਰਿਵਾਰ ਨੇ ਦੋਸ਼ ਲਗਾਇਆ ਹੈ ਕਿ ਸੋਨਮ ਨੂੰ ਜਬਰਨ ਜ਼ਹਿਰ ਖਿਲਾਇਆ ਗਿਆ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ।
ਸੋਨਮ ਦੀ ਮੌਤ ਤੋਂ ਬਾਅਦ ਹੀ ਸੌਰਭ ਫਰਾਰ ਹੈ ਅਤੇ ਪੁਲਸ ਵੀ ਉਸ ਨੂੰ ਲੱਭਣ ਵਿਚ ਨਾਕਾਮ ਰਹੀ ਹੈ। ਫਿਲਹਾਲ ਪੀੜਤ ਪਰਿਵਾਰ ਨੇ ਹੋਰ ਕੋਈ ਰਸਤਾ ਨਾ ਦਿਖਣ 'ਤੇ ਫੇਸਬੁਕ ਨੂੰ ਜ਼ਰੀਆ ਬਣਾਇਆ ਹੈ। ਸੋਨਮ ਦੇ ਭਰਾ ਨੇ ਆਪਣੀ ਭੈਣ ਅਤੇ ਜੀਜੇ ਦੀਆਂ ਫੋਟੋਆਂ ਅਪਲੋਡ ਕਰਨ ਦੇ ਨਾਲ-ਨਾਲ ਸੋਨਮ ਦੀ ਪੋਸਟਮਾਰਟਮ ਰਿਪੋਰਟ ਵੀ ਅਪਲੋਡ ਕੀਤੀ