ਹਰਿੰਦਰ ਸਿੰਘ ਕਤਲ ਕੇਸ 'ਚ ਪੰਜਾਬੀ ਨੂੰ 4 ਸਾਲ ਕੈਦ

ਲੰਡਨ (ਬਰਮਿੰਘਮ), 9 ਮਾਰਚ -ਵਿਦਿਆਰਥੀ ਵੀਜ਼ੇ 'ਤੇ 2009 ਵਿਚ ਆਏ ਅਮਿਤਪ੍ਰੀਤ ਸਿੰਘ (23) ਨੂੰ ਲੈਸਟਰ ਕਰਾਊਨ ਕੋਰਟ ਵੱਲੋਂ ਹਰਿੰਦਰ ਸਿੰਘ ਦੀ ਗਰਦਨ 'ਤੇ ਚਾਕੂ ਨਾਲ ਵਾਰ ਕਰਨ ਦੇ ਦੋਸ਼ ਵਿਚ 4 ਸਾਲ ਕੈਦ ਦੀ ਸਜ਼ਾ ਸੁਣਾਈ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਦੋਵੇਂ ਗੈਰ-ਕਾਨੂੰਨੀ ਭਾਰਤੀ ਅਵਾਸੀਆਂ ਨਾਲ ਇਕੋ ਘਰ ਵਿਚ ਰਹਿ ਰਹੇ ਸਨ ਅਤੇ ਕਿਸੇ ਗੱਲ ਤੋਂ ਦੋਵਾਂ ਵਿਚਕਾਰ ਝਗੜਾ ਹੋ ਗਿਆ। ਅਦਾਲਤ ਨੇ ਸੁਣਿਆ ਕਿ ਨਵੰਬਰ, 2011 ਵਿਚ ਵਾਪਰੀ ਇਕ ਘਟਨਾ ਵਿਚ ਪਹਿਲਾਂ ਮ੍ਰਿਤਕ ਹਰਿੰਦਰ ਸਿੰਘ ਨੇ ਲੰਬੇ ਚਾਕੂ ਨਾਲ ਅਮਿਤਪ੍ਰੀਤ ਸਿੰਘ 'ਤੇ ਹਮਲਾ ਕੀਤਾ ਸੀ ਅਤੇ ਬਾਅਦ ਵਿਚ ਅਮਿਤਪ੍ਰੀਤ ਸਿੰਘ ਨੇ ਹਰਿੰਦਰ ਸਿੰਘ ਦੀ ਗਰਦਨ 'ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ, ਜਿਸ ਨਾਲ ਡਾਕਟਰੀ ਸਹਾਇਤਾ ਮਿਲਣ ਤੋਂ ਪਹਿਲਾਂ ਹੀ ਉਸ ਦੀ ਮੌਤ ਹੋ ਗਈ। ਸਜ਼ਾ ਪੂਰੀ ਹੋਣ ਮਗਰੋਂ ਅਮਿਤਪ੍ਰੀਤ ਸਿੰਘ ਨੂੰ ਭਾਰਤ ਵਾਪਿਸ ਕੀਤਾ ਜਾਵੇਗਾ।