ਜੇਲ 'ਚ ਸੈਕਸ ਲਈ ਦਬਾਅ ਪਾਇਆ- ਤੇਲਗੂ ਅਦਾਕਾਰਾ

ਤੇਲਗੂ ਫਿਲਮਾਂ ਦੀ ਅਦਾਕਾਰਾ ਨੇ ਅਦਾਲਤ ਵਿਚ ਪੇਸ਼ੀ ਦੌਰਾਨ ਜੱਜ ਸਾਹਮਣੇ ਕਿਹਾ ਕਿ ਏ ਸੀ ਪੀ ਜੇਲ ਵਿਚ ਉਸ ਨੂੰ ਸੈਕਸ ਕਰਨ ਲਈ ਕਹਿੰਦਾ ਸੀ। ਹਾਈ ਪ੍ਰੋਫਾਇਲ ਸੈਕਟ ਰੈਕਟ ਦੀ ਸਰਗਨਾ ਤੇਲੂ ਫਿਲਮਾਂ ਦੀ ਅਦਾਕਾਰਾ ਰਵੀਲਾ ਰਾਜੇਸ਼ਵਰੀ ਉਰਫ ਤਾਰਾ ਚੌਧਰੀ ਹੈਦਰਾਬਾਦ ਪੁਲਸ ਦੀ ਹਿਰਾਸਤ ਵਿਚ ਹੈ। ਤਾਰਾ ਚੌਧਰੀ ਨੇ ਕਈ ਸਨਸਨੀਖੇਜ਼ ਖੁਲਾਸੇ ਕੀਤੇ ਹਨ।
ਉਸ ਦੇ ਮੁਤਾਬਕ ਕਈ ਵੱਡੇ ਨੇਤਾ, ਪੁਲਸ ਅਧਿਕਾਰੀ ਅਤੇ ਕਾਰੋਬਾਰੀ ਉਸ ਦੇ ਗਾਹਕ ਸਨ। ਪੁਲਸ ਨੇ ਤਾਰਾ ਨੂੰ ਬੁਧਵਾਰ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ, ਜਿੱਥੇ ਉਸ ਨੇ ਜੱਜ ਸਾਹਮਣੇ ਦੱਸਿਆ ਕਿ ਪੁਲਸ ਅਧਿਕਾਰੀ ਉਸ 'ਤੇ ਸੈਕਸ ਕਰਨ ਦਾ ਦਬਾਅ ਪਾ ਰਹੇ ਸਨ। ਉਸ ਨੇ ਦੋਸ਼ ਲਗਾਇਆ ਕਿ ਬੰਜਾਰਾ ਹਿਲਸ ਦੇ ਏ ਸੀ ਪੀ ਸ਼ੰਕਰ ਰੈਡੀ ਕਸਟਡੀ ਦੌਰਾਨ ਜੇਲ ਵਿਚ ਉਸ ਨਾਲ ਹਮਬਿਸਤਰ ਹੋਣ ਲਈ ਦਬਾਅ ਪਾ ਰਹੇ ਸਨ।
ਉਸ ਨੇ ਇਹ ਵੀ ਕਿਹਾ ਕਿ ਪੁਲਸ ਅਧਿਕਾਰੀ ਉਸ ਨੂੰ ਧਮਕਾ ਰਹੇ ਹਨ ਤਾਂ ਕਿ ਉਹ ਸਫੇਦਪੋਸ਼ਾਂ ਦੇ ਨਾਮ ਜ਼ਾਹਿਰ ਨਾ ਕਰੇ। ਜ਼ਿਕਰਯੋਗ ਹੈ ਕਿ ਹੈਦਰਾਬਾਦ ਪੁਲਸ ਨੇ ਗੁਪਤ ਸੂਚਨਾ ਦੇ ਅਧਾਰ 'ਤੇ ਬੰਜਾਰਾ ਹਿਲਸ 'ਤੇ ਛਾਪਾ ਮਾਰ ਕੇ ਇਸ ਹਾਈ ਪ੍ਰੋਫਾਇਲ ਸੈਕਸ ਰੈਕਟ ਦਾ ਭਾਂਡਾ ਭੰਨਿਆ ਸੀ। ਤਾਰਾ ਚੌਧਰੀ ਨੌਕਰੀ ਦੇ ਲਾਲਚ ਵਿਚ ਲੜਕੀਆਂ ਨੂੰ ਆਪਣੇ ਜਾਲ ਵਿਚ ਫਸਾਉਂਦੀ ਸੀ ਅਤੇ ਉਨ੍ਹਾਂ ਨੂੰ ਆਪਣੇ ਦੇਹ ਵਪਾਰ ਦੇ ਧੰਦੇ ਵਿਚ ਸ਼ਾਮਿਲ ਕਰ ਲੈਂਦੀ ਸੀ।