ਫੜੀ ਗਈ ਏਅਰ ਹੋਸਟੈੱਸ, ਕਰ ਰਹੀ ਸੀ ਬਲੂਟੂਥ ਦੁਆਰਾ ਨਕਲ

ਇਮਤਿਹਾਨਾਂ 'ਚ ਅਕਸਰ ਵਿਦਿਆਰਥੀਆਂ ਨੂੰ ਨਕਲ ਕਰਦੇ ਫੜਿਆ ਜਾਂਦਾ ਹੈ। ਇਸ ਮਾਮਲੇ 'ਚ ਲੜਕੀਆਂ ਵੀ ਪਿੱਛੇ ਨਹੀਂ ਹਨ। ਸ਼ਿਮਲਾ ਦੇ ਕੰਨਿਆ ਮਹਾਂ ਵਿਦਿਆਲੇ (ਆਰਕੇਐੱਮਵੀ) 'ਚ ਇੱਕ ਏਅਰ ਹੋਸਟੈੱਸ ਨੂੰ ਬਲੂਟੂਥ ਤੋਂ ਨਕਲ ਕਰਦੇ ਫੜਿਆ ਗਿਆ ਹੈ। ਘਰ ਬੈਠੇ ਉਸਦਾ ਦੋਸਤ ਉਸਨੂੰ ਪੂਰੇ ਪ੍ਰਸ਼ਨ ਹੱਲ ਕਰਵਾਉਣ 'ਚ ਲੱਗਾ ਹੋਇਆ ਸੀ।
ਇਹ ਵਿਦਿਆਰਥਣ ਸਮਾਜ ਸ਼ਾਸਤਰ ਬੀਏ ਭਾਗ ਤੀਜਾ ਦਾ ਇਮਤਿਹਾਨ ਦੇ ਰਹੀ ਸੀ। ਇਸ ਤੋਂ ਪਹਿਲਾਂ ਉਹ ਆਪਣੇ ਉਦੇਸ਼ 'ਚ ਸਫਲ ਹੁੰਦੀ, ਉਸ ਨੂੰ ਫੜ ਲਿਆ ਗਿਆ। ਉਸ ਤੋਂ ਮੋਬਾਈਲ ਅਤੇ ਬਲੂਟੂਥ ਜਬਤ ਕਰ ਲਿਆ ਗਿਆ ਹੈ। ਪੁੱਛ-ਗਿੱਛ ਦੌਰਾਨ ਵਿਦਿਆਰਥਣ ਨੇ ਆਪਣੇ ਆਪ ਨੂੰ ਏਅਰ ਹੋਸਟੈੱਸ ਦੱਸਿਆ ਹੈ। ਉਸ ਦਾ ਦਾਅਵਾ ਹੈ ਕਿ ਉਹ ਦੁਬਈ ਦੀ ਇੱਕ ਕੰਪਨੀ 'ਚ ਨੌਕਰੀ ਕਰ ਰਹੀ ਹੈ ਅਤੇ ਇਮਤਿਹਾਨ ਦੇਣ ਇੱਥੇ ਆਈ ਹੈ।