ਮੈਂ ਨਾ ਕਿਸੇ ਕ੍ਰਿਕਟਰ ਨੂੰ ਮਿਲੀ ਹਾਂ, ਨਾ ਕਿਸੇ ਬੁਕੀ ਨੂੰ

ਨਵੀਂ ਦਿੱਲੀ— ਕ੍ਰਿਕਟ ਦੀ ਦੁਨੀਆ 'ਚ ਮੈਚ ਫਿਕਸਿੰਗ ਦੇ ਨਵੇਂ ਮਾਮਲੇ ਨੇ ਪੂਰੀ ਦੁਨੀਆ 'ਚ ਭੜਥੂ ਪਾ ਦਿੱਤਾ ਹੈ। ਲੰਡਨ ਦੇ ਇਕ ਅਖਬਾਰ ਨੇ ਦਾਅਵਾ ਕੀਤਾ ਹੈ ਕਿ  ਭਾਰਤ-ਪਾਕਿਸਤਾਨ ਵਿਚਾਲੇ ਵਰਲਡ ਕੱਪ 2011 ਸੈਮੀਫਾਈਨਲ ਮੈਚ ਫਿਕਸ ਸੀ।  ਮੋਹਾਲੀ 'ਚ ਹੋਈ ਵਰਲਡ ਕੱਪ ਸੈਮੀਫਾਈਨਲ 'ਚ ਖਿਡਾਰੀਆਂ ਨਾਲ ਸੰਪਰਕ ਸਾਧਨ ਲਈ ਇਕ ਬਾਲੀਵੁੱਡ ਅਭਿਨੇਤਰੀ ਦਾ ਇਸਤੇਮਾਲ ਕੀਤਾ ਗਿਆ ਸੀ। ਹੁਣ ਇਸ ਅਭਿਨੇਤਰੀ ਨੇ ਕਿਸੇ ਵੀ ਕ੍ਰਿਕਟਰ ਜਾਂ ਬੁਕੀ ਨਾਲ ਸੰਬੰਧ ਹੋਣ ਤੋਂ ਸਾਫ ਇਨਕਾਰ  ਕੀਤਾ ਹੈ। ਉਸਦਾ ਕਹਿਣਾ ਹੈ ਕਿ ਉਹ ਤਾਂ ਕਿਸੇ ਕ੍ਰਿਕਟਰ ਜਾਂ ਬੁਕੀ ਨੂੰ ਮਿਲੀ ਤੱਕ ਨਹੀਂ ਫਿਕਸਿੰਗ ਤਾਂ ਦੂਰ ਦੀ ਗੱਲ ਹੈ।
ਲੰਡਨ ਦੇ ਅਖਬਾਰ ਨੇ ਆਪਣੀ ਖਬਰ ਦੇ ਨਾਲ ਇਕ ਫੋਟੋ ਵੀ ਛਾਪੀ। ਬਾਅਦ 'ਚ ਪਤਾ ਚੱਲਿਆ ਕਿ ਇਹ ਤਸਵੀਰ ਮਾਡਲ ਅਤੇ ਅਭਿਨੇਤਰੀ ਨੁਪੂਰ ਮੇਹਤਾ ਦੀ ਹੈ। ਨੁਪੂਰ ਮਹਿਤਾ ਨੇ ਸਾਫ ਕਿਹਾ ਕਿ ਉਸਦਾ ਕਿਸੇ ਫਿਕਸਰ  ਜਾਂ ਖਿਡਾਰੀ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ ਅਤੇ ਜੋ ਵੀ ਇਹ ਦਾਅਵਾ ਕਰ ਰਿਹਾ ਹੈ, ਉਹ ਸਰਾਸਰ ਗਲਤ ਹੈ। ਨੁਪੂਰ ਨੇ ਕਿਹਾ ਕਿ ਉਹ ਅਖਬਾਰ ਖਿਲਾਫ ਕੋਈ ਕਾਨੂੰਨੀ ਕਾਰਵਾਈ ਕਰੇਗੀ ਜਾਂ ਨਹੀਂ ਇਸਦਾ ਫੈਸਲਾ ਵਕੀਲ ਨਾਲ ਗੱਲ ਕਰਨ ਤੋਂ ਬਾਅਦ ਲਵੇਗੀ।