ਪੱਬ 'ਚ ਕੰਮ ਕਰਨ ਵਾਲੀ ਲੜਕੀ ਨਾਲ ਦੁਸ਼ਕਰਮ

ਗੁੜਗਾਂਵ : ਗੁੜਗਾਂਵ ਦੇ ਇਕ ਮਾਲ ਦੇ ਪੱਬ 'ਚ ਕੰਮ ਕਰਨ ਵਾਲੀ ਇਕ 23 ਸਾਲਾ ਲੜਕੀ ਨਾਲ ਕਥਿਤ ਤੌਰ 'ਤੇ 6 ਵਿਅਕਤੀ ਨੂੰ ਸ਼ਹਿਰ ਦੇ ਇਕ ਫਲੈਟ 'ਚ ਸਮੂਹਿਕ ਦੁਸ਼ਕਰਮ ਕੀਤੇ ਜਾਣ ਦੀ ਖਬਰ ਹੈ। ਦੁਸ਼ਕਰਮ ਉਪਰੰਤ ਲੜਕੀ ਨੂੰ ਛਤਰਪੁਰ ਮੈਟਰੋ ਸਟੇਸ਼ਨ ਦੇ ਨੇੜੇ ਛੱਡ ਦਿੱਤਾ ਗਿਆ ਜਿਥੋਂ ਉਸ ਨੇ ਦਿੱਲੀ ਪੁਲਸ ਦੀ ਮਦਦ ਲਈ ਅਤੇ ਦਿੱਲੀ ਪੁਲਸ ਨੇ ਗੁੜਗਾਂਵ ਪੁਲਸ ਨਾਲ ਸਪੰਰਕ ਕਾਇਮ ਕੀਤਾ।
ਗੁੜਗਾਂਵ ਪੁਲਸ ਦੇ ਕਮਿਸ਼ਨਰ (ਸਾਬਕਾ) ਮਹੇਸ਼ਵਰ ਦਿਆਲ ਨੇ ਕਿਹਾ ਕਿ ਲੜਕੀ ਦੀ ਸ਼ਿਕਾਇਤ 'ਤੇ ਅਣਪਛਾਤੇ 6 ਵਿਅਕਤੀਆਂ ਵਿਰੁਧ F.I.R ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਲੜਕੀ ਦੀ ਸ਼ਕਾਇਤ ਅਨੁਸਾਰ ਐਤਵਾਰ ਨੂੰ ਉਹ ਸਹਾਰਾ ਦੇ ਪੱਬ 'ਚ ਡਿਊਟੀ ਕਰਨ ਦੇ ਬਾਅਦ ਸ਼ਾਮ ਨੂੰ ਟੈਕਸੀ ਰਾਹੀਂ ਅਪਣੇ ਘਰ ਜਾ ਰਹੀ ਸੀ ਇਕ ਕਾਰ 'ਚ ਸਵਾਰ 6 ਲੋਕਾਂ ਨੇ ਟੈਕਸੀ ਚਾਲਕ ਨੂੰ ਰੁਕਣ ਲਈ ਮਜਬੂਰ ਕੀਤਾ। ਲੜਕੀ ਨੇ ਦੋਸ਼ ਲਾਇਆ ਹੈ ਕਿ ਜਿਵੇਂ ਹੀ ਟੈਕਸੀ ਰੁਕੀ, ਕਾਰ ਸਵਾਰਾਂ ਨੇ ਲੜਕੀ ਨੂੰ ਅਗਵਾ ਕਰ ਲਿਆ ਅਤੇ ਇਕ ਫਲੈਟ 'ਚ ਲੈ ਗਏ ਅਤੇ ਉੱਥੇ ਉਸ ਨਾਲ ਉਨ੍ਹਾਂ ਨੇ ਦੁਸ਼ਕਰਮ ਕੀਤਾ।
ਪੁਲਸ ਦਾ ਕਹਿਣਾ ਹੈ ਕਿ ਲੜਕੀ ਦਾ ਮੈਡੀਕਲ ਕਰਾਇਆ ਜਾ ਰਿਹਾ ਹੈ ਅਤੇ ਸਾਰ ਸੋਰਾਗਾਂ
'ਤੇ ਕੰਮ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਪੱਬ ਦੇ ਸੀ.ਸੀ.ਟੀ.ਵੀ. ਕੈਮਰੇ ਦੀ ਫੁਟੇਜ ਪ੍ਰਾਪਤ ਕਰ ਲਈ ਹੈ ਅਤੇ ਸੁਰਾਗ ਲੱਭਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਉਨ੍ਹਾਂ ਨੂੰ ਟੈਕਸੀ ਚਾਲਕ 'ਤੇ ਸ਼ੱਕ ਨਹੀਂ ਹੈ।