ਰੰਧਾਵਾ ਪਰਿਵਾਰ ਨੂੰ ਸਦਮਾ, ਮਾਤਾ ਦਾ ਦਿਹਾਂਤ

ਬੰਗਾ (ਹਰਨੇਕ ਸਿੰਘ ਵਿਰਦੀ )-ਕਮਰਸ਼ੀਅਲ ਰਿਐਲਟਰ ਅਤੇ ਅੰਤਰਰਾਸ਼ਟਰੀ ਪ੍ਰਮੋਟਰ ਤਾਜ਼ ਰੰਧਾਵਾ ਉਰਫ਼ ਤਜੇਸ਼ਵਰਜੀਤ ਸਿੰਘ ਰੰਧਾਵਾ ਨੂੰ ਉਦੋਂ ਭਾਰੀ ਸਦਮਾ ਲੱਗਾ ਜਦੋਂ ਉਨ੍ਹਾਂ ਦੇ ਸਤਿਕਾਰਯੋਗ ਮਾਤਾ ਜਸਵੰਤ ਕੌਰ ਰੰਧਾਵਾ (84) ਆਪਣੀ ਸੰਸਾਰਿਕ ਯਾਤਰਾ ਪੂਰੀ ਕਰਦੇ ਹੋਏ ਮਿਤੀ 10 ਮਾਰਚ ਨੂੰ ਦੁਪਹਿਰ 12:40 ਤੇ ਸੰਖੇਪ ਬਿਮਾਰੀ ਪਿਛੋਂ ਗੁਰੂ ਚਰਨਾਂ ਵਿਚ ਲੀਨ ਹੋ ਗਏ। ਉਹ ਆਪਣੇ ਪਿਛੇ 5 ਪੁੱਤਰ ਹਰਜੇਸ਼ਵਰਜੀਤ ਸਿੰਘ, ਕਮਲੇਸ਼ਵਰਜੀਤ ਸਿੰਘ, ਤਜੇਸ਼ਵਰਜੀਤ ਸਿੰਘ, ਰਜ਼ੇਸ਼ਵਰਜੀਤ ਸਿੰਘ, ਗੁਰੇਸ਼ਵਰਜੀਤ ਸਿੰਘ ਅਤੇ ਦੋ ਬੇਟੀਆਂ ਕਿਰਨਜੀਤ ਕੌਰ,  ਪ੍ਰਨੀਤ ਕੌਰ  ਅਤੇ ਪੂਰਾ ਹਰਿਆ ਭਰਿਆ ਪਰਿਵਾਰ ਪਿਛੇ ਰੋਂਦਾ ਕਰਲਾਉਂਦਾ ਛੱਡ ਗਏ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ 18 ਮਾਰਚ ਦਿਨ ਐਤਵਾਰ ਨੂੰ ਐਲਨ ਮੋਰਚਰੀ 247 ਨੌਰਥ ਬਰੋਡਵੇਜ ਸਟਰੀਟ ਟਰਲਕ ਕੈਲੇਫੋਰਨੀਆਂ 95380 ਵਿਖੇ ਸਵੇਰੇ 11 ਤੋਂ ਲੈ ਕੇ ਦੁਪਹਿਰ 1 ਵਜੇ ਤੱਕ ਦੇ ਸਮੇਂ ਵਿਚਕਾਰ ਕੀਤਾ ਜਾਵੇਗਾ। ਉਪਰੰਤ ਉਨ੍ਹਾਂ ਨਮਿਤ ਅੰਤਿਮ ਅਰਦਾਸ ਗੁਰਦੁਆਰਾ ਸਾਹਿਬ 2765 ਪੀਚ, ਐਵਨਿਊ ਲਿਵਿੰਗਸਟੱਨ ਕੈਲੇਫੋਰਨੀਆਂ 95334 ਵਿਖੇ ਹੋਵੇਗੀ।  ਰੰਧਾਵਾ ਪਰਿਵਾਰ ਨਾਲ ਦੁੱਖ ਦਾ ਪ੍ਰਗਟਾਵਾ ਕਰਨ ਲਈ 559-259-4247 (ਤਾਜ਼ ਰੰਧਾਵਾ), 209-358-5236 (ਰਾਜ ਰੰਧਾਵਾ) ਅਤੇ 209-676-8574 (ਪਰਨੀਤ ਬੱਸੀ) ਆਦਿ ਨੰਬਰਾਂ ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।