ਵਾਜੇ ਵਾਲੇ ਬੂਹੇ 'ਤੇ, ਬਰਾਤੀ ਤਿਆਰ, ਲਾੜਾ ਕਿਸੇ ਹੋਰ ਨਾਲ ਫ਼ਰਾਰ

ਹੰਬੜਾਂ, 20 ਮਾਰਚ-ਵਾਜੇ ਵਾਲੇ ਬੂਹੇ 'ਤੇ, ਬਰਾਤੀ ਤੇ ਗੱਡੀਆਂ ਤਿਆਰ ਪਰ ਲਾੜਾ ਫ਼ਰਾਰ। ਅੱਜ ਉਦੋਂ ਗੱਲ ਗੁੰਝਲਦਾਰ ਬਣ ਗਈ ਜਦੋਂ ਇਕ ਲਾੜੇ ਦੀ ਬਰਾਤ ਸਿੱਧਵਾਂ ਬੇਟ ਢੁੱਕਣੀ ਸੀ ਪਰ ਲਾੜਾ ਕੁਝ ਸਮਾਂ ਪਹਿਲਾਂ ਹੀ ਕਿਸੇ ਹੋਰ ਨਾਲ ਫ਼ੁਰਰ ਰ ਰ... ਹੋ ਗਿਆ। ਇਸ ਗੱਲ ਦੀ ਭਿਣਕ ਜਦੋਂ ਲੜਕੀ ਵਾਲਿਆਂ ਤੇ ਵਿਚੋਲੇ ਨੂੰ ਲੱਗੀ ਤਾਂ ਉਨ੍ਹਾਂ ਪਿੰਡ ਦੇ ਹੀ ਇਕ ਲਾੜੇ ਨੂੰ ਵਿਆਹ ਲਈ ਰਾਜ਼ੀ ਕਰਵਾ ਲਿਆ। ਜਦੋਂ ਦੂਸਰਾ ਲਾੜਾ ਉਸੇ ਲਾੜੀ ਨੂੰ ਵਿਆਹੁਣ ਲਈ ਗਿਆ ਤਾਂ ਪਹਿਲੇ ਲਾੜੇ ਦਾ ਭਰਾ ਵੀ ਆਪਣੇ ਭਰਾ ਦੀ ਮੰਗੇਤਰ ਨੂੰ ਵਿਆਹੁਣ ਲਈ ਘੋੜੀ ਚੜ੍ਹਿਆ ਪਰ ਲਾੜੀ ਨੇ ਦੋਨੋਂ ਨਵੇਂ ਲਾੜਿਆਂ ਨੂੰ ਠੁਕਰਾ ਕੇ ਆਪਣੇ ਮੰਗੇਤਰ ਨਾਲ ਹੀ ਵਿਆਹ ਰਚਾਉਣ ਦੀ ਪੇਸ਼ਕਸ਼ ਕੀਤੀ। ਇਸ ਗੱਲ ਦੀ ਇਲਾਕੇ 'ਚ ਖੂਬ ਚਰਚਾ ਰਹੀ।