ਸਕੂਲਾਂ ਵੱਲੋਂ ਕੀਤੀ ਜਾਂਦੀ ਲੁੱਟ-ਖਸੁੱਟ ਖ਼ਿਲਾਫ ਪੁਤਲਾ ਫੂਕ ਮੁਜ਼ਾਹਰਾ

ਲੁਧਿਆਣਾ, 25 ਮਾਰਚ -ਹਿੰਦੂ ਸਿੱਖ ਜਾਗ੍ਰਿਤੀ ਸੈਨਾ ਨੇ ਸੀ. ਬੀ. ਐਸ. ਸੀ. ਤਹਿਤ ਚੱਲ ਰਹੇ ਪ੍ਰਾਈਵੇਟ ਸਕੂਲਾਂ ਵਲੋਂ ਕਾਨੂੰਨ ਨੂੰ ਛਿੱਕੇ ਟੰਗਕੇ ਦੋਹਾਂ ਹੱਥਾਂ ਨਾਲ ਮਚਾਈ ਲੁੱਟ-ਖਸੁੱਟ ਦੇ ਵਿਰੋਧ ਵਿਚ ਸਕੂਲ ਮਾਫੀਆ ਦਾ ਪੁਤਲਾ ਫੂਕਿਆ ਤੇ ਸਕੂਲ ਪ੍ਰਬੰਧਕਾਂ ਖਿਲਾਫ਼ ਡੱਟ ਕੇ ਨਾਅਰੇਬਾਜ਼ੀ ਕੀਤੀ। ਅਕਾਲੀ ਦਲ ਦਿੱਲੀ ਦੀ ਸੂਬਾ ਯੂਥ ਇਕਾਈ ਨੇ ਗੁਰਦੀਪ ਸਿੰਘ ਗੋਸ਼ਾ ਦੀ ਅਗਵਾਈ ਹੇਠ ਹਿੰਦੂ ਸਿੱਖ ਜਾਗ੍ਰਿਤੀ ਸੈਨਾ ਵਲੋਂ ਸੀ. ਬੀ .ਐਸ. ਸੀ. ਸਕੂਲਾਂ ਖਿਲਾਫ ਵਿੱਢੀ ਮੁਹਿੰਮ 'ਚ ਸ਼ਾਮਿਲ ਹੋਣ ਦਾ ਐਲਾਨ ਕਰਦੇ ਹੋਏ ਰੋਸ ਪ੍ਰਦਸ਼ਨ 'ਚ ਹਿੱਸਾ ਲਿਆ ਤੇ ਐਲਾਨ ਕੀਤਾ ਗਿਆ ਸਿੱਖਿਆ ਖੇਤਰ 'ਚ ਪ੍ਰਾਈਵੇਟ ਸਕੂਲਾਂ ਵੱਲੋਂ ਕੀਤੀ ਜਾ ਰਹੀ ਲੁੱਟ-ਖਸੁੱਟ ਦਾ ਖੁੱਲ੍ਹ ਕੇ ਵਿਰੋਧ ਕੀਤਾ ਜਾਵੇਗਾ। ਜਾਗ੍ਰਤੀ ਸੈਨਾ ਦੇ ਪ੍ਰਧਾਨ ਪ੍ਰਵੀਨ ਡੰਗ ਤੇ ਚੇਅਰਮੈਨ ਅਸ਼ਵਨੀ ਕਤਿਆਲ ਨੇ ਕਿਹਾ ਕਿ ਪਹਿਲੇ ਪੜਾਅ ਵਿਚ ਸਿੱਖਿਆ ਮੰਤਰੀ ਪੰਜਾਬ, ਸੀਬੀਐਸਸੀ ਚੇਅਰਮੈਨ, ਰਿਜ਼ਨਲ ਡਾਇਰੈਕਟਰ ਤੇ ਡਿਪਟੀ ਕਮਿਸ਼ਨਰ ਨੂੰ ਮੰਗ ਪੱਤਰ ਦਿੱਤੇ ਜਾਣਗੇ। ਇਸ ਮੌਕੇ ਚਰਨਜੀਤ ਕੁਮਾਰ, ਅਰਵਿੰਦਰ ਸਿੰਘ ਚੀਨੀ, ਸੁਰਜੀਤ ਜੈਨ, ਦਿਨੇਸ਼ ਜੈਨ, ਕੰਚਨ ਖਹਿਰਾ, ਆਰਤੀ ਕਪੂਰ, ਬੰਟੀ ਬਜਾਜ, ਪਵਨ ਸਾਹਨੀ, ਜਤਿੰਦਰ ਤਨੇਜਾ, ਅਕਾਲੀ ਦਲ ਦਿੱਲੀ ਤੋਂ ਚਰਨਪ੍ਰੀਤ ਸਿੰਘ ਮਿੱਕੀ, ਗਗਨਦੀਪ ਸਿੰਘ, ਕਵਲਪ੍ਰੀਤ ਸਿੰਘ ਬੰਟੀ, ਦਲਜੀਤ ਸਿੰਘ ਚਾਵਲਾ, ਅਮਨਦੀਪ ਸਿੰਘ ਪਾਰਸ, ਅਮਨਦੀਪ ਸਿੰਘ ਰਾਜਾ, ਅਮਨਿੰਦਰ ਸਿੰਘ ਇੰਮੀ ਤੇ ਹੋਰ ਵੀ ਹਾਜ਼ਰ ਸਨ।